Միջազգային հարաբերություններ

18 հունիսի 2015

Ստորագրվել է ԱՊՀ մասնակից պետությունների հարկային (ֆինանսական) հետաքննության մարմինների ղեկավարների համակարգող խորհրդի ԵՎ Հակաահաբեկչական կենտրոնի միջԵՎ արձանագրությունը

2015թ. հունիսի 17-ին Մոսկվայում ստորագրվել է ԱՊՀ մասնակից պետությունների հարկային (ֆինանսական) հետաքննության մարմինների ղեկավարների համակարգող խորհրդի (ՀՀՄՂՀԽ) ԵՎ Հակաահաբեկչական կենտրոնի միջԵՎ արձանագրություն

2015թ. հունիսի 17-ին Մոսկվայում ստորագրվել է ԱՊՀ մասնակից պետությունների հարկային (ֆինանսական) հետաքննության մարմինների ղեկավարների համակարգող խորհրդի (ՀՀՄՂՀԽ) և Հակաահաբեկչական կենտրոնի միջև հարկային (ֆինանսական) օրենսդրության խախտումների դեմ պայքարի հարցերում փոխգործակցության մեխանիզմների և գործողությունների համակարգման մասին արձանագրությունը: ՀՀՄՂՀԽ կողմից արձանագրությունը ստորագրել է ՀՀՄՂՀԽ նախագահ, ՀՀ ֆինանսների նախարարության օպերատիվ հետախուզության և ներքին անվտանգության գլխավոր վարչության պետ Ռ. Գալոյանը, իսկ Հակաահաբեկչական կենտրոնի կողմից` կենտրոնի տնօրեն Ա. Նովիկովը:

Արձանագրությունով նախատեսվում են, մասնավորապես, հետևյալ համագործակցության ձևերը.

- անհատույց հիմքերով տեղեկատվության փոխանակություն, միջազգային իրավապահ գործունեության փորձի և վերլուծական աշխատանքների արդյունքների փոխանակություն,

- ՀՀՄՂՀԽ և Հակաահաբեկչական կենտրոնի ներկայացուցիչների համատեղ մասնակցություն հատուկ գործնական, օպերատիվ կանխարգելման միջոցառումներում, սեմինարներում, կոնֆերանսներում, ցուցահանդեսներում, փոխադարձ հետաքրքրություն ներկայացնող այլ ծրագրերում, որոնք համապատասխանում են ՀՀՄՂՀԽ և Հակաահաբեկչական կենտրոնի կարգերին,

- տեղեկատվական փոխանակման բարելավմանը և ժամանակակից նյութա-տեխնիկական միջոցներով ապահովմանը նվիրված միջազգային ծրագրերում համատեղ մասնակցություն: