11 հոկտեմբերի 2021
ՀՀ ՊԵԿ նախագահն ընդունել է ԱՄԷ Վերահսկիչ պալատի նախագահին
Քննարկվել են Հայաստանի Հանրապետության ԵՎ Արաբական Միացյալ Էմիրությունների միջԵՎ համագործակցությանն առնչվող հարցեր

Հոկտեմբերի 11-ին տեղի է ունեցել Հայաստանի Հանրապետության պետական եկամուտների կոմիտեի նախագահ Ռուստամ Բադասյանի հանդիպումը Արաբական Միացյալ Էմիրությունների Վերահսկիչ պալատի նախագահ, Աուդիտի բարձրագույն մարմինների միջազգային կազմակերպության նախագահ, դոկտոր Հարիբ Սաիդ ալ – Ամիմիի հետ:

ՀՀ ՊԵԿ նախագահը հյուրին է ներկայացրել հարկային և մաքսային վարչարարության ոլորտներում նախատեսվող լայնածավալ բարեփոխումները, որոնք էական ազդեցություն կարող են ունենալ երկու երկրների միջև առևտրատնտեսական կապերի զարգացման գործում։ 

Կողմերը փաստել են, որ ՀՀ կառավարության բարեփոխումների օրակարգը նոր էջ է բացելու երկու երկրների տնտեսվարողների միջև համագործակցության ընդլայնման համար: