080 001 008
+(374)60 844 444
17 մարտի 2022
ՊԵԿ-ում անցկացվել է մաքսային ոլորտի համագործակցության ենթակոմիտեի երկրորդ նիստը
Քննարկվել են ոլորտին առնչվող մի շարք հարցեր
ՊԵԿ ոլորտային կառուցվածքային ստորաբաժանումների պատասխանատուների, Հայաստանում ԵՄ պատվիրակության ղեկավար կազմի և Եվրոպական հանձնաժողովի ԵՄ-ի ոլորտային գլխավոր տնօրինության համապատասխան բաժինների ու ԵՄ անդամ պետության ներկայացուցիչների  միջև անցկացվել է մաքսային ոլորտի համագործակցության  երկրորդ նիստը՝ հեռավար ձևաչափով: Նիստի հիմքում Հայաստանի և Եվրոպական միության միջև կնքված համապարփակ և ընդլայնված գործընկերության համաձայնագիրն է:
 
Նիստի ընթացքում ներկայացվել են մաքսային ոլորտին առնչվող գործընթացները, քննարկվել են երկկողմ հետաքրքրություն ներկայացնող դրույթները, որոնց մասով Եվրոպական միությունը կարող է աջակցություն տրամադրել: 
 
Հանդիպմանը կարևորվել է նաև  մաքսանենգության դեմ պայքարը, անդրադարձ է կատարվել շնագիտական կենտրոնների գործունեությանը, հատկապես՝ ԵՄ անդամ երկրներից՝  Լեհաստանի հետ փորձի փոխանակմանը:
 
Կողմերը ներկայացրել են մաքսային օրենսդրություններում վերջին մեկ տարվա ընթացքում տեղի ունեցած փոփոխությունները: Անդրադարձ է կատարվել մաքսային ոլորտին առնչություն ունեցող ԵՄ հարթակներին Հայաստանի մասնակցության հեռանկերներին: Նիստի ժամանակ քննարկվել են նաև մաքսային համագործակցության ուղղությամբ ԵՄ տեխնիկական գործիքների օգտագործման հնարավորությունները: 
 
Կարևորվել է տարիների ընթացքում Հայաստանին ԵՄ-ի ցուցաբերած աջակցությունը:
 
Հետեվեք մեզ
Հետևեք մեզ սոցիալական լրատվամիջոցներում
Տեղեկագիր
Գրանցվել նորություններին
ՀՀ ՊԵԿ համակարգեր
ՀՀ հարկային ծառայություն
ՀՀ մաքսային ծառայություն
Տեղեկատվություն
2020 ՀՀ պետական եկամուտների կոմիտե:
Բոլոր իրավունքները պաշտպանված են:
Մովսես Խորենացու 3, 7,
Երևան 0015, Հայաստան
Պաշտոնական էլ. փոստ՝
49797259@e-citizen.am
secretariat@petekamutner.am
Զանգահարել՝
+374 (60) 84 44 44
+374 (60) 84 46 57
+374 (60) 84 46 59