Պետական եկամուտների կոմիտեի նախագահ Ռուստամ Բադասյանը հյուրընկալել է ՀՀ-ում ԱՄՆ արտակարգ և լիազոր դեսպան Լին Թրեյսիին՝ Հայաստանում առաքելությունն ավարտելու կապակցությամբ:
Հանդիպմանը կողմերը բարձր են գնահատել ԱՄՆ կառավարության կողմից մաքսային և հարկային վարչարարության ոլորտներում տարիներ շարունակ տրամադրված աջակցությունը, ինչպես նաև արդյունավետ փոխհամագործակցությունը։
ՊԵԿ նախագահը շնորհակալություն է հայտնել դեսպանին՝ երկկողմ հարաբերությունների զարգացման գործում ունեցած անձնական ներդրման համար։
ՀՀ-ում ԱՄՆ արտակարգ և լիազոր դեսպան Լին Թրեյսին երախտագիտություն է հայտնել Ռուստամ Բադասյանին և Պետական եկամուտների կոմիտեի թիմին՝ հայ-ամերիկյան կապերի զարգացմանն աջակցելու գործում։ Միաժամանակ, դեսպանը բարձր է գնահատել ՀՀ-ում ԱՄՆ դեսպանության և կոմիտեի արդյունավետ աշխատանքային հարաբերությունները և համատեղ ջանքերը` միտված հայ-ամերիկյան երկկողմ հարաբերությունների ամրապնդմանն ու խորացմանը։
ՀՀ-ում ԱՄՆ դեսպանն այս օրերին հրաժեշտի հանդիպումներ է ունենում՝ պաշտոնավարման ժամանակահատվածում սերտորեն համագործակցած բազմաթիվ գործընկերների հետ: