«Արարատ» բանկից GOLD քարտով են հեռացել Դիլիջանցի ամուսիններ Հովիկ Աբրոյանն ու Նունե Դանիելյանը: Փետրվարի 6-ի վիճակահանությունն այս ընտանիքին ևս պարգևել է կես միլիոն դրամ: «Վիճակահանության օրը 35 կտրոն ունեինք, որոնցից միայն 2-ն էին սկսվում «7»-ով: Դրանցից մեկն էլ մեզ խոշոր գումարի տեր դարձրեց»:

Սա, ի դեպ, 4-րդ ընտանիքն է, որը 500 հազար դրամ է շահում` քաղցրավենիք գնելով: Հովիկ Աբրոյանն ու Նունե Դանիելյանը պատմել են, որ այդ կտրոնն իրենց տրամադրվել է Երևանի խանութներից մեկում: «Այդ օրը այցելության էինք եկել Երևանում սովորող մեր երեխաներին, նախ կատարեցինք բոլոր գնումները, հետո, երբ արդեն խանութից դուրս էինք գալիս, հիշեցինք, որ քաղցրավենիք էլ պետք է գնենք: Հենց այդ կտրոնն էլ շահեց»:

Դիլիջանցի ամուսինների 2 երեխաներն էլ սովորում են ԲՈՒՀ-ում` վճարովի հիմունքներով: «Թերևս պարզ է, թե ինչպես ենք ծախսելու շահած գումարը. այս տարի չենք մտածի, թե որտեղից գտնենք ուսման վարձը: Այն մեզ տրվեց որպես պարգև` ընդամենը 550 դրամի դիմաց»:

Հովիկ Աբրոյանը խորհուրդ է տվել բոլոր քաղաքացիներին. «Գնում կատարելիս հիշեք` սպառողը պետք է պաշտպանի իր իրավունքները: Ի վերջո, շահում է նա, ով հավատում է և, իհարկե, կտրոն ունի»: